BSc

Geography

Key Facts

Code F801
  • Typical A-level offer

  • Course Length

    3 Years

Further details on entry requirements

Apply Now

Mae Adran Ddaearyddiaeth Prifysgol Aberystwyth yn un o’r adrannau mwyaf blaenllaw a phrofiadol o’i bath. Mae Prifysgol Aberystwyth yn cynnig cyfle unigryw i chi astudio daearyddiaeth yn un o’r lleoliadau prydferthaf yn Ewrop. Mae’r Adran Daearyddiaeth a Gwyddorau Daear wedi’i lleoli ar arfordir Bae Ceredigion ac wedi’i hamgylchynu gan amrywiaeth eang o dirweddau hardd, yn cynnwys y môr, gweundiroedd, mynyddoedd a glaswelltiroedd; mae hi mewn lle unigryw i wneud y gorau o’r tirweddau gwych sy’n ei hamgylchynu, ac yn cynnig amrywiaeth arbennig o gyfleoedd gwaith maes a hamdden i chi. Bydd y radd hon yn eich arfogi â’r sgiliau, y galluoedd a’r arbenigedd i wynebu ac ymgysylltu â’r heriau sy’n wynebu’r gymdeithas sydd ohoni.  

Department of Geography and Earth Sciences: 95% student satisfaction (NSS 2016)

95% of undergraduates from the Department of Geography and Earth Sciences who graduated in 2015 were in employment or further education six months after graduating (DLHE 2015)

  • Overview
  • Modules
  • Employability
  • Teaching & Learning
  • Student Views

Overview

Pam astudio Daearyddiaeth ym Mhrifysgol Aberystwyth?

Gan ein bod yn gymuned Ddaearyddiaeth fawr a deinamig, gallwn gynnig amrywiaeth eang iawn i chi o arbenigedd, cyfleoedd a chyfleusterau daearyddol;

  • Prosesau dalgylch afon
  • Rhewlifeg
  • Biodaearyddiaeth
  • Newid Amgylcheddol Cwaternaidd
  • Tueddiadau cyfoes mewn Daearberyglon
  • Cynaliadwyedd Trefol
  • Datblygu Rhanbarthol
  • Daearyddiaeth Wleidyddol a Diwylliannol
  • Cyfleoedd am waith maes yn Seland Newydd, Creta, Efrog Newydd, Ffrainc, Iwerddon, Gwlad yr Iâ, Mynydd Etna, Ecuador a Pheriw, ymhlith eraill
  • Gwobrau teithio ar gael bob blwyddyn i ariannu eich anturiaethau (hyd at £400)
  • Cyfleusterau addysgu o’r radd flaenaf a’r dechnoleg ddiweddaraf i gyfoethogi dysgu
  • Labordai llawn cyfarpar yn cynnwys amrywiaeth o offerynnau dadansoddi e.e. sbectromedrau a sganwyr craidd sy’n gallu cael eu defnyddio ar gyfer gwaith maes ac astudio yn annibynnol
Our Staff

Department of Geography and Earth Science: lecturers are all qualified to PhD level or working towards a PhD.

Modules

Please note: The modules listed below are those currently intended for delivery during the next academic year and may be subject to change. They are included here to give an indication of how the course is structured.

Employability

Beth gallaf ei wneud â gradd Daearyddiaeth?

Mae ein graddedigion wedi cael swyddi fel ymgynghorwyr amgylcheddol, cynllunwyr, gweision sifil, syrfewyr, ac ym myd addysg, ymhlith swyddi eraill.

Mae cyflogadwyedd yn rhan annatod o’r holl gyrsiau a gynigiwn. Mae ein graddau yn cynnig sylfaen gadarn ar gyfer amrywiaeth eang o yrfaoedd ar draws ystod o sectorau. Mewn economi fyd-eang sy’n newid yn gyflym, mae ein graddedigion yn gallu addasu a galw ar ystod o sgiliau trosglwyddadwy, gan sicrhau bod galw amdanynt drwy’r amser.

Ymhlith y setiau sgiliau y mae:

  • Gwell sgiliau mathemategol a chyfrifiadurol
  • Sgiliau datrys problemau a meddwl creadigol effeithiol
  • Sgiliau technoleg gwybodaeth cadarn
  • Gallu gweithio’n annibynnol ac fel rhan o dîm
  • Sgiliau rheoli amser a threfnu
  • Sgiliau cyfathrebu ysgrifenedig ac ar lafar
  • Hunangymhelliant a hunanddibyniaeth

Cynllun Blwyddyn mewn Gwaith (BMG) a Lleoliadau Myfyrwyr 

Mae profiad gwaith yn ystod eich gradd yn ffordd bendant o wella eich siawns o gael swydd ar ôl graddio. I helpu gyda hyn, anogir myfyrwyr yr Adran i gymryd rhan yn y cynllun BMG rhwng ail flwyddyn a blwyddyn derfynol eu gradd, sy’n golygu treulio 12 mis yn gweithio am dâl cyn cwblhau eu gradd.

Mae bwrsariaethau ar gael yn ogystal i gefnogi lleoliadau myfyrwyr byrrach yn ystod y gwyliau. Bob blwyddyn, byddwn yn cynnal cystadleuaeth sy’n gwahodd myfyrwyr i rannu eu profiadau gwaith trwy adroddiadau a chyflwyniadau llafar, a bydd yr enillwyr yn derbyn gwobr ac adborth gan aelodau o’r gymuned fusnes sydd ar y panel beirniaid.

Cyfleoedd Rhyngwladol 

Yn ogystal â phrofiad o fyd gwaith, mae teithio’n annibynnol hefyd yn cael ei gydnabod fel elfen allweddol o ddatblygiad myfyrwyr. I gefnogi hynny, rydym yn cynnig bwrsariaethau i helpu gyda theithiau israddedigion. Ymhlith y lleoliadau diweddar roedd Uganda, Madagascar, Periw, Mynydd Etna a’r Unol Daleithiau.

Mae’r Adran hefyd wedi sefydlu Rhaglenni Cyfnewid Erasmus gyda Phrifysgol Bergen, Prifysgol Oulu, y Ffindir, a Chanolfan y Brifysgol yn Svalbard, gan roi’r cyfle unigryw i fyfyrwyr astudio yn un o amgylcheddau mwyaf eithafol y byd. Mae gennym hefyd gysylltiadau cryf â nifer o brifysgolion yng Ngogledd America, lle gall y myfyrwyr gwblhau ail flwyddyn eu hastudiaethau. Yn ystod y blynyddoedd diwethaf, mae ein Cydlynydd Cyfnewid wedi goruchwylio lleoliadau ym Mhrifysgol Purdue (Indiana), Prifysgol Alabama, Prifysgol Georgia, Prifysgol Montana a Phrifysgol Ottawa yng Nghanada. 

Teaching & Learning

Beth fyddaf yn ei ddysgu?

Bydd y crynodeb isod yn rhoi darlun i chi o'r hyn y gallwch ei astudio yn ystod y cynllun gradd tair blynedd.

Yn eich blwyddyn gyntaf, fe’ch cyflwynir i:

  • Gysyniadau allweddol mewn astudiaethau daearyddol
  • Problemau a thechnegau wrth gasglu, dadansoddi a chyflwyno data daearyddol
  • Newid hinsawdd
  • Prosesau’r tirwedd
  • Datblygiad economaidd
  • Globaleiddio

Yn eich ail flwyddyn byddwch yn datblygu ymhellach yn y meysydd canlynol:

  • Eich maes
  • Sgiliau labordy ac ymchwilio ar gyfrifiadur wrth baratoi ar gyfer eich prosiect ymchwil annibynnol
  • Byddwch yn dysgu sut i ddadansoddi setiau data meintiol
  • Cynhyrchu mapiau a graffiau eraill i gynrychioli data daearyddol.
  • Cymryd rhan mewn taith faes breswyl yn y DU neu dramor.
  • Cewch hefyd ddewis modiwlau dewisol ar gyfer arbenigo neu gynnal diddordeb eang ar draws Daearyddiaeth

Yn eich trydedd flwyddyn:

  • Byddwch yn gwneud prosiect ymchwil annibynnol fydd yn golygu casglu, dadansoddi a dehongli eich data eich hun.
  • Bydd gennych eich cynghorydd personol i’ch arwain.
  • Bydd modiwlau dewisol amrywiol yn cynnwys rhewlifeg, hydroleg, peryglon folcanig, newid hinsawdd y gorffennol, trefoli, a newid yng nghefn gwlad, yn eich galluogi i deilwra eich astudiaethau i gyd-fynd â’ch diddordebau chi. 

Sut byddaf yn cael fy nysgu?

Caiff ein cyrsiau eu dysgu trwy gyfrwng darlithoedd, seminarau a dosbarthiadau ymarferol mewn labordai neu ar gyfrifiaduron, dosbarthiadau tiwtorial i grwpiau bychain, cyrsiau maes a goruchwylio gwaith prosiect unigolion.

Sut byddaf yn cael f’asesu?

Byddwn yn asesu ein myfyrwyr trwy ystod amrywiol o ddulliau. Caiff ambell fodiwl ei asesu’n rhannol drwy arholiadau traddodiadol, ond bydd gan eraill elfennau o waith cwrs. Mae gennym hefyd fodiwlau all ofyn i’r myfyrwyr lunio adroddiadau ymarferol, cyflwyniadau llafar, cynllunio tudalennau gwe, cynhyrchu ffilmiau byrion, neu gyfrannu at fforymau trafod ar lein. Bydd rhai modiwlau, sef y tiwtorialau a’r cyrsiau maes yn benodol, yn cael eu hasesu’n llwyr trwy waith cwrs. 

Student Views

Yr hyn apeliodd ataf am y cwrs oedd y cyfle i wneud modiwlau drwy gyfrwng y Gymraeg mewn grwpiau dysgu bach, enw da’r adran a’r amrywiaeth o bynciau diddorol a ddysgir megis daearyddiaeth wleidyddol, daearyddiaeth economaidd a daearyddiaeth yr Unol Daleithiau. Fe fues i’n ddigon lwcus i deithio i Efrog Newydd ar drip gwaith maes gyda’r adran gan astudio ffactorau trefol a naturiol cymhleth y ddinas wrth brofi’r awyrgylch hollol unigryw sydd yno. Roedd y profiad yn un cyffrous a bythgofiadwy. Teimlaf fy mod wedi dysgu sgiliau a gwybodaeth newydd, ehangu fy ngorwelion a herio fy hun yn gyson tra fy mod yn yr adran. Dau o fy hoff fodiwlau oedd Adnoddau Dŵr a Hydroleg Fydol a Daearyddiaeth y Wladwriaeth a Chenedlaetholdeb gan eu bod yn canolbwyntio ar faterion cyfoes o bwys a hynny drwy gyfrwng y Gymraeg. Angharad Thomas

Entry Requirements

A Levels

GCSE requirements (grade C min):

BTEC National Diploma:

International Students

International Baccalaureate:

European Baccalaureate:

Back to the top