BA Professional Welsh

Myfyrwyr BA Cymraeg Proffesiynol ar eu ffordd i ddarlith

Wrth ddewis astudio’r cwrs BA Cymraeg Proffesiynol yn Adran y Gymraeg Prifysgol Aberystwyth, byddi’n dewis astudio yn yr adran hynaf a’r fwyaf o’i bath y byd. Mae’n gartref i gymuned frwdfrydig o fyfyrwyr ac ymchwilwyr sy’n rhannu’r nod o hybu dealltwriaeth ehangach o’r iaith Gymraeg, ei hanes, ei llenyddiaeth a’i lle yn y byd cyfoes. Mae’r staff sy’n dysgu ar y cwrs yn arbenigwyr mewn meysydd amrywiol ac o ganlyniad byddi’n cael dewis o amrywiaeth eang o bynciau sy’n dy ddiddori.

Department of Welsh and Celtic Studies: 100% student satisfaction (NSS 2016)

100% of undergraduates from the Department of Welsh and Celtic Studies who graduated in 2015 were in employment or further education six months after graduating (DLHE 2015)

Overview

Cymraeg Proffesiynol yn Aberystwyth: Arloesi, Arbenigo, Arwain

Cwrs Cymraeg arloesol sydd yn dysgu sgiliau proffesiynol ar gyfer y gweithle yng Nghymru.

Rhan bwysig o waith Adran y Gymraeg ac Astudiaethau Celtaidd yw paratoi myfyrwyr ar gyfer y Gymru gyfoes a thu hwnt, a dyna a wnewn yn ystod eich cyfnod fel myfyriwr Cymraeg Proffesiynol. Yn y byd cyfoes mae cyflogwyr, yn ogystal â darpar fyfyrwyr a rhieni, yn chwilio am radd ‘safon aur’ yn y Gymraeg. Dyma’r radd honno. Ar y cwrs newydd yma byddwch chi’n datblygu sgiliau sy’n ymwneud â defnyddio’r iaith Gymraeg yn hyderus mewn ystod eang o gyd-destunau proffesiynol ac yn y gweithle. Byddwch chi’n cael eich dysgu gan staff sydd â phrofiad helaeth mewn meysydd fel cyfieithu, ysgrifennu creadigol, golygu a chyhoeddi, ac astudio a hybu treftadaeth. Fel adran rydym yn cynnal safonau sy’n gyson uchel ac yn cyflwyno cyrsiau deniadol, diddorol a pherthnasol i’n ffordd o weld Cymru a’r byd drwy’r Gymraeg. Yn ystod eich cyfnod yn fyfyriwr gyda ni byddwch chi’n cael dewis o amrywiaeth helaeth o fodiwlau sy’n rhychwantu ystod eang o ddiddordebau, a byddwch chi’n  dod yn rhan naturiol o’r bwrlwm sy’n gysylltiedig â’r Adran.

Pam astudio Cymraeg Proffesiynol yn Aber?

• Cartref Cymraeg Proffesiynol - Cyflwynwyd y cwrs yma yn gyntaf yn 2012 ac mae wedi mynd o nerth i nerth ers hynny.

• Arbenigwyr - Byddwch chi'n cael eich dysgu gan ddarlithwyr yr Adran sydd yn arbenigwyr yn eu meysydd a gan siaradwyr gwadd sy'n cynrychioli sawl proffesiwn sy'n defnyddio'r Gymraeg.

• Darlithydd Cymraeg Proffesiynol Dynodedig - Mae'r cwrs yn cael ei gyd-lynu gan Dr Rhianedd Jewell, darlithydd dynodedig y Coleg Cymraeg Cenedlaethol mewn Cymraeg Proffesiynol, sydd yn rhoi ei sylw yn arbennig i'r cwrs hwn.

• Canlyniadau Gwych - Mae canlyniadau ein graddedigion mewn Cymraeg Proffesiynol o safon uchel iawn. Rhwng 2014 a 2016 mae 49% o’n myfyrwyr Cymraeg Proffesiynol wedi graddio gdya dosbarth cyntaf, ac mae’r 51% arall wedi ennill 2:1 uchel.

• Cyrraedd gyda'r graddau uchaf a graddio gyda'r graddau uchaf - Mae'r cwrs hwn wedi'i deilwra ar gyfer myfyrwyr o'r safon uchaf. Bydd y radd hon yn gwneud i chi sefyll allan. Gofynnir am o leiaf A mewn Cymraeg Safon Uwch yn ogystal â 280 pwynt UCAS er mwyn dilyn y cwrs hwn, ond, rydym ni wedi derbyn myfyrwyr gyda B dda yn y gorffennol. Os oes cwestiynau gennych ynghylch mynediad cysylltwch â Dr Rhianedd Jewell.

• Grwpiau Bach - Cwrs dethol yw hwn, ac felly mae'r dysgu'n digwydd mewn grwpiau bach. Mae'r sesiynau hyn yn adlewyrchu cyfarfodydd tîm y byd gwaith.

• Bywyd Cymdeithasol Cymraeg Byrlymus -  Yn Aberystwyth gallwch fyw trwy gyfrwng y Gymraeg a mwynhau'r elfen gymdeithasol sydd i'r gymuned Gymraeg yma. Ymaelodwch ag UMCA, dewch i fyw yn neuadd Pantycelyn-Penbryn, ewch ar deithiau rygbi, ymunwch â chôr Pantycelyn, ac ewch i nosweithiau megis Gwobrau'r Selar.

• Boddhad Myfyrwyr - Mae boddhad ein myfyrwyr yn uchel iawn yn gyson. Eleni, Aberystwyth sydd ar y brig o blith yr holl adrannau Cymraeg yn holiadur yr NSS o ran bodlonrwydd myfyrwyr. Enillodd yr Adran 100% am fodlonrwydd cyffredinol.

• Y Llyfrgell Genedlaethol - Yn ogystal â'r adnoddau helaeth sydd gan y Brifysgol, mae'r Adran ar stepen drws y Llyfrgell Genedlaethol. Llyfrgell hawlfraint sydd â thros 6 miliwn o lyfrau, mapiau a phrintiadau yw hi ac fe gewch chi ei defnyddio hi'n rhad ac am ddim!

Our Staff

All academic staff in the Department of Welsh and Celtic Studies are research active scholars and experts in their chosen fields of study, including the study of languages and literatures as well as creative writing.

Course Content

Welsh medium modules available

Please note: The modules listed below are those currently intended for delivery during the next academic year and may be subject to change. They are included here to give an indication of how the course is structured.

Year 1 Core (40 Credits) Rhaid i bob myfyriwr gymryd y modiwlau hyn:

Semester 1

Seminarau Iaith A Llên (iaith Gyntaf) CY10400

Cyflwyniad I Gymraeg Proffesiynol CY12700

Semester 2

Beirdd A Llenorion O 1900 Hyd Heddiw CY10210

Seminarau Iaith A Llên (iaith Gyntaf) CY10410

Cyflwyniad I Gymraeg Proffesiynol CY12720

Year 1 Options Rhaid dewis modiwlau gwerth o leiaf 20 credyd o blith y canlynol:

Semester 1

Themâu A Ffigurau Llên C.550-1900 CY10110

Cymraeg Ddoe A Heddiw 1 (iaith Gyntaf) CY10300

Cymraeg Llyfr A Chymraeg Llafar I CY12510

Semester 2

Cymraeg Ddoe A Heddiw 1 (iaith Gyntaf) CY10310

Cymraeg Llyfr A Chymraeg Llafar Ii CY12610

Year 2 Core (40 Credits) Rhaid i bob myfyriwr gymryd y modiwlau hyn:

Semester 1

Gloywi Iaith CY20100

Y Gymraeg Yn Y Gweithle CY35600

Semester 2

Gloywi Iaith CY20120

Y Gymraeg Yn Y Gweithle CY35620

Available both years Core (20 Credits) Rhaid i bob myfyriwr gymryd y modiwlau hyn:

Semester 1

Astudiaethau Trosi Ac Addasu CY35700

Semester 2

Astudiaethau Trosi Ac Addasu CY35720

Available both years Options Opsiynau

Semester 1

Rhyddiaith Y Dadeni CY33620

Llenyddiaeth Glasurol A Phoblogaidd, 1740-1800 CY33920

Y Gynghanedd: Cwrs Trochi CY34520

Semester 2

Y Cynfeirdd Diweddar CY33120

Y Chwedl Arthuraidd Cyn 1100 CY33420

Ysgrifennu Creadigol CY34120

Traddodiad Benywaidd? Merched A Barddoniaeth 1400-1800 CY34220

Barddoniaeth Tri Chwarter Canrif, 1900-79 CY35420

Both Semesters

Ysgrifennu Creadigol CY34100

Final Year Core (40 Credits) Rhaid i bob myfyriwr gymryd y modiwlau hyn:

Semester 1

Prosiect Hir CY35900

Semester 2

Prosiect Hir CY35940

Available both years Core (20 Credits) Rhaid i bob myfyriwr gymryd y modiwlau hyn:

Semester 1

Astudiaethau Trosi Ac Addasu CY35700

Semester 2

Astudiaethau Trosi Ac Addasu CY35720

Available both years Options Opsiynau

Semester 1

Rhyddiaith Y Dadeni CY33620

Llenyddiaeth Glasurol A Phoblogaidd, 1740-1800 CY33920

Y Gynghanedd: Cwrs Trochi CY34520

Semester 2

Y Cynfeirdd Diweddar CY33120

Y Chwedl Arthuraidd Cyn 1100 CY33420

Ysgrifennu Creadigol CY34120

Traddodiad Benywaidd? Merched A Barddoniaeth 1400-1800 CY34220

Barddoniaeth Tri Chwarter Canrif, 1900-79 CY35420

Both Semesters

Ysgrifennu Creadigol CY34100

Employability

Rhagolygon Gyrfa 

Mae gwerth arbennig i’r graddau a enillir yn Adran y Gymraeg gan fod safon ein hymchwil a’n dysgu gyda’r uchaf posib. Yn gyson mae cyflogwyr yn datgan bod gradd o’r Adran yn arwydd o safon cyrhaeddiad uchel iawn, ac o ganlyniad mae galw mawr gan ddarpar gyflogwyr am raddedigion o’r Adran mewn amrywiaeth o swyddi yn y sector breifat a chyhoeddus yng Nghymru. Wedi astudio’r radd ‘Cymraeg Proffesiynol’ byddi wedi meithrin sgiliau a allai dy arwain at swydd fel ymchwilydd mewn busnes neu sefydliad cyhoeddus, yn y cyfryngau, ym maes cyfieithu, neu ym myd Addysg Uwch ynghyd â llu o opsiynau eraill.

Mae graddedigion Adran y Gymraeg yn mynd ymlaen i swyddi ardderchog. Mae llawer yn mynd ymlaen i fyd addysg, tra bo’r cyfryngau Cymraeg yn denu llawer i berfformio, gweinyddu a chynhyrchu. Aiff rhai o raddedigion yr adran i weithio mewn meysydd fel gwaith cymdeithasol a’r gyfraith. Yn sgil Deddf yr Iaith Gymraeg a sefydlu’r Cynulliad Cenedlaethol cynyddodd y galw am weision sifil sy’n medru’r Gymraeg, ac am bobl i gyfieithu ac i weinyddu mewn sawl cylch. Mae graddedigion yr adran hefyd yn cael swyddi mewn amrywiaeth eang o feysydd eraill fel cyhoeddi llyfrau, swyddi yn y diwydiant twristiaeth, masnach a’r heddlu. Bydd y sgiliau ymchwilio a dadansoddi y byddi wedi eu datblygu dros gyfnod dy gwrs gradd hefyd yn sail cadarn i astudio’n uwchraddedig ac am yrfa yn y byd academaidd.

Sgiliau Trosglwyddadwy

Bydd astudio am radd mewn Cymraeg Proffesiynol yn rhoi amrywiaeth eang o sgiliau trosglwyddadwy i ti, sy’n bwysig iawn i gyflogwyr. Mae’r rhain yn cynnwys:

• ymchwilio a dadansoddi data
• meddwl yn greadigol a datrys problemau’n effeithlon
• gweithio’n annibynnol
• trefnu a rheoli amser, gan gynnwys y gallu i gwrdd terfynau amser tynn
• mynegi syniadau a chyfathrebu gwybodaeth yn glir a threfnus, ar lafar ac yn ysgrifenedig
• hunan-gymhelliant a hunan-ddibyniaeth
• gwaith tîm, gallu trafod cysyniadau mewn grwpiau, gan drafod amrywiol syniadau a dod i gytundeb
• sgiliau technoleg gwybodaeth

Blwyddyn Mewn Gwaith
Mae’r Brifysgol yn rhedeg cynllun Blwyddyn mewn Gwaith, sy’n cynnig cyfle arbennig i fyfyriwr israddedig gymryd blwyddyn allan rhwng ail a thrydedd blwyddyn y cwrs er mwyn gweithio i sefydliad yn y Derynas Unedig neu dramor. Mae’r cynllun yn rhoi profiad gwerthfawr a buddiol i fyfyrwyr, yn bersonol ac yn broffesiynol, a gall dy helpu i sefyll allan mewn marchnad waith gystadleuol iawn. Gall Gwasanaeth Gyrfaoedd y Brifysgol dy helpu i ystyried dy opsiynau a dod o hyd i leoliad gwaith addas.

GO Wales
Gweinyddir GO Wales gan Wasanaeth Gyrfaoedd y Brifysgol, sy’n gweithio gyda busnesau lleol er mwyn creu lleoliadau gwaith cyflogedig dros gyfnod o ychydig wythnosau ar gyfer myfyrwyr. Mae’n rhoi’r cyfle iti ennill profiad gwaith gwerthfawr a fydd yn cyfoethogi dy CV ac yn dy wneud yn fwy atyniadol i ddarpar gyflogwyr.

Teaching, Learning and Assessment

 

Blwyddyn 1

  • Yn y flwyddyn gyntaf byddwch chi'n dilyn y modiwl Cyflwyniad i Gymraeg Proffesiynol. Fel y mae'r enw yn ei awgrymu, mae'r modiwl hwn yn rhoi cyflwyniad i'r maes. Byddwch chi'n dysgu rhychwant o sgiliau megis cyfieithu ar y pryd, sgiliau gweinyddol, siarad cyhoeddus, golygu a marchnata. Byddwch chi'n cael eich dysgu gan ddarlithwyr yr Adran a gan gyflogwyr sydd yn gweithio gyda'r Gymraeg.
  • Bydd cyfle ichi weithio fel tîm ac i ddatblygu eich sgiliau marchnata wrth drefnu'r Noson Llên a Chân. Cewch chi ddysgu mwy am y nosweithiau hynod lwyddiannus hyn ar ein blog.
  • Byddwch chi'n cael gweithredu ar fwrdd golygyddol Y Ddraig, cylchgrawn llenyddol yr Adran. Chi fydd yn comisiynu ac yn golygu'r gwaith. Dysgwch ragor am Y Ddraig yma.  

Blwyddyn 2 a 3

Yn yr ail a'r drydedd flwyddyn byddwch chi'n dilyn pedwar modiwl Cymraeg Proffesiynol:

  • Y Gymraeg yn y Gweithle - Modiwl profiad gwaith yw hwn. Byddwch chi'n cwblhau cyfnod o brofiad gwaith mewn sefydliad lle defnyddir y Gymraeg ar lfel broffesiynol. Mae dewis helaeth o leoliadau gennym gan gynnwys nifer o sefydliadau cenedlaethol felly bydd cyfle ichi gael profiad uniongyrchol o yrfa sydd o ddiddordeb i chi. Byddwch chi'n llunio portffolio o dasgau sy'n ymwneud â'r gweithle.
  • Trosi ac Addasu - Modiwl cyfieithu yw'r modiwl hwn. Byddwch chi'n dysgu sgiliau cyfieithu ymarferol yn ogystal â dysgu am yr hanes a'r theorïau sydd wrth wraidd y gwaith. Bydd cyfle ichi ymarfer eich sgiliau cyfieithu o un iaith i iaith arall ac i addasu o un cyfrwng i gyfrwng arall drwy drosi darn o ryddiaith yn sgript ffilm, rhaglen deledu neu ddrama.
  • Bro a Bywyd - Modiwl sy’n trafod twristiaeth a threftadaeth lenyddol yw'r modiwl hwn. Byddwch chi'n dilyn darlithoedd ac yn mynd ar deithiau maes i lefydd o arwyddocâd diwylliannol. Byddwch chi'n llunio prosiect a fydd yn hybu diddordeb y cyhoedd mewn elfen o'r diwylliant Cymraeg, e.e. llyfryn, podcast, ffilm fer neu ddeunydd ar gyfer gwefan. Dyma enghraifft o un o brosiectau ein cyn-fyfyrwyr: Lluniodd un o'n cyn-fyfyrwyr, Eiri Siôn, ap Mentro Meifod a gallwch ei lawrlwytho yma.
  • Prosiect Hir - Mae'r modiwl hwn yn rhoi'r cyfle ichi weithio ar brosiect ymchwil gwreiddiol ym maes Cymraeg Proffesiynol. Dan gyfarwyddyd aelod o staff, byddwch chi'n llunio darn o waith safonol y gellir ei gyhoeddi. 

Modiwlau Eraill -

Byddwch chi'n gallu dewis o blith yr amrywiaeth eang o fodiwlau eraill yr Adran yn ogystal. Mae hefyd ryddid ichi ddewis hyd at 40 credyd o fodiwlau mewn adrannau eraill megis yr Adran Fusnes, Gwleidyddiaeth Ryngwladol neu'r Adran Theatr Ffilm a Theledu, a’u cynnwys yn rhan o’ch gradd.

Sut y byddwch chi'n cael eich dysgu?
Yn Adran y Gymraeg ac Astudiaethau Celtaidd mae’r dysgu’n cael ei wneud drwy gyfuniad o ddarlithoedd traddodiadol, seminarau a dulliau dysgu arloesol eraill. Mae’r grwpiau yn llai a’r awyrgylch yn fwy anffurfiol yn y seminarau, er mwyn meithrin trafodaeth fwy agored. Mae gwaith y myfyrwyr yn cael ei asesu drwy arholiadau, drwy asesu cyson, a thrwy osod a marcio traethodau ac ymarferion.

Tiwtor Personol
Bydd tiwtor personol yn cael ei ddynodi ichi dros dy gyfnod y cwrs gradd cyfan, a bydd yn gallu eich helpu os bydd gennych unrhyw broblemau neu ymholiadau, yn faterion academaidd neu bersonol. Mae croeso i chi gysylltu â'ch tiwtor personol ar unrhyw adeg os bydd angen cymorth arnoch.

Student Views

Dewisais astudio Cymraeg Proffesiynol yn Adran y Gymraeg Aberystwyth am fod gennyf ddiddordeb i fynd i'r afael â'r Gymraeg yn y byd cyfoes. Cynigia'r cwrs arbennig hwn gyfle inni fel myfyrwyr i ddysgu am ofynion yr iaith mewn sefyllfaoedd a gwasanaethau o ddydd i ddydd. Yn ystod fy mlwyddyn gyntaf, cefais y cyfle i ymweld â rhai o sefydliadau amlycaf Cymru, meithrin sgiliau cyfieithu a golygu, a thynnu crib fanwl drwy deithi'r iaith a'i thafodieithoedd amrywiol. Manteisiais ar fodiwl wedi'i seilio'n gyfan gwbl ar brofiad gwaith yn fy ail mlwyddyn, ac yn sicr, roedd hynny'n brofiad heb ei ail am imi wneud cysylltiadau gwych. Llenyddiaeth sy'n mynd â'm mryd i, felly credaf fy mod i'n cael y gorau o ddau fyd trwy ddilyn y cwrs hwn. Gallaf astudio ac ymchwilio i drysor ein gorffennol law yn llaw â dilyn modiwlau sydd yn fy mharatoi yn drylwyr ar gyfer fy ngyrfa waith. Mae Aber yn lle hudol i astudio, ac rwy'n synnu'n aml at gymaint o ddiwylliant sy'n ffynnu yn y dref... a does dim pall ar yr ysbrydoliaeth a gynigia'r tirlun. Mae Adran y Gymraeg yn adran hyfryd i berthyn iddi, ac yn wir, perthyn yw'r gair am fod y staff a'r myfyrwyr yn adnabod ei gilydd ac yn cefnogi ei gilydd gystal ag unrhyw deulu clos! Megan Elenid Lewis

Back to the top

Entry Requirements

A Levels BBC with A in Welsh 1st Language

GCSE requirements (grade C min):
English or Welsh

BTEC National Diploma:
DMM with A in A level Welsh 1st Language

International Students

International Baccalaureate:
24 points overall with A in A level Welsh 1st Language

European Baccalaureate:
65% overall with A in A level Welsh 1st Language

Key Information Set

Key Facts

UCAS Code: Q5P0

Typical A-level offer
BBC with A in Welsh 1st Language

Further details on entry requirements

Course Length: 3 Years